Krımınaldyq polısııa qyzmetkerleri jedel-izdestirý sharalaryn júrgizý kezinde elordanyń 22 jastaǵy turǵynyn ustady, dep habarlaıdy Egemen.kz elorda polısııa departamentine silteme jasap.
Qaskúnem «OLX» habarlandyrý saıty arqyly avtokólikterdi bir táýlikke jalǵa alyp, keıin olardy basqa azamattarǵa satqany anyqtaldy. Jas jigit osyndaı jolmen 12 mln teńgeden astam somaǵa 7 adamdy aldaǵan.
Ustalǵan azamat ýaqytsha ustaý ızolıatoryna qamaldy. Atalǵan fakti boıynsha qylmystyq is qozǵalyp, kúdiktiniń osyǵan uqsas buryn jasalǵan qylmystarǵa qatysy bar-joǵy anyqtalýda.