Qaraǵandy oblysy Buqar-Jyraý aýdany Mustafın atyndaǵy kenttiń polısııa bólimine shuǵyl habarlama tústi. Júk kóliginiń mas júrgizýshisi baǵanadaǵy salbyrap turǵan teleofon symyna asylmaq bolǵan. Oqıǵa ornyna tergeý-jedel toby jetti, dep jazady Egemen.kz.
Kýágerlerdiń aıtýynsha, kólik kósheniń sońyna deıin jetip, sodan keıin kózge kórinbeı ketken. Eldi mekenniń shetine shyǵyp, olar dalada eki shaqyrym qashyqtyqta kýzovy kóterilgen samosvaldy kórgen.
«Biz kólikke jaqyndaǵan kezde bir adamdy kórdik. Ol kóliktiń kýzovyna baılanǵan arqan ilmegine asylyp turdy. Ony birden shyǵaryp, jerge jatqyzdyq. Er adam esinen tanyp qaldy, biraq alǵashqy kómekten soń tynys ala bastady. Birneshe mınýttan keıin dárigerler kelip, er adamdy aýrýhanaǵa jetkizdi», deıdi tergeýshi T. Joldasbek.
Dárigerlerdiń aıtýynsha, qazirgi ýaqytta naýqastyń ómirine qaýip joq. Anyqtalǵandaı, samosval júrgizýshisi Temirtaý qalasynyń 39 jastaǵy turǵyny bir kún buryn áıelimen janjaldasqan. Jaǵdaı ýshyǵyp, ajyrasý máselesi týyndaǵan.
Polıseıler der kezinde aralasyp, sýısıdtiń aldyn aldy.