G20 Densaýlyq saqtaý mınıstrleri Rımde kezdesti. Bul qazan aıynda Italııada ótetin «Úlken jıyrmalyq» kóshbasshylarynyń sammıti aldyndaǵy kezdesýleriniń biri, dep jazady Egemen.kz.
Kezdesýdiń basty urany - densaýlyq salasyndaǵy daǵdarystarmen kúres jáne «burynǵysynan da jaqsy qoǵam qurý». Eki kúnge sozylatyn kelissózder úsh bólimnen turady.
Birinshi sessııada pandemııanyń 2030 jylǵa deıingi turaqty damý baǵdarlamasyna áseri baǵalandy. Ekinshi sessııada problemalardy sheshýge, bolashaqtaǵy pandemııanyń aldyn alýǵa, olarǵa daıyndyqqa qatysty naqty usynystar ázirlenedi.
«Bul kezdesý keıbireýlerdi azdap alańdatady. Sebebi atalǵan máseleniń G20 kezdesýinde qaralýy - bolashaqta taǵy osyndaı pandemııa bolýy múmkin ekenin joqqa shyǵarmaıtynyn kórsetedi», dep jazady Euronews.
Úshinshi sessııada mınıstrler qazirgi pandemııamen kúreste tıimdi mehanızmderdi qarastyrady. G20 músheleri damý men vaksınany elder arasynda ádil bólisýdi qoldaıdy.