13 qyrkúıekte Nur-Sultanda tennısten erler men áıelder arasyndaǵy Ulttyq chempıonat bastalady, dep habarlaıdy Egemen.kz.
«Bul dodaǵa respýblıkamyzdyń barlyq aımaqtarynan júzden astam tennısshi qatysady», dep habarlaıdy QTF baspasóz qyzmeti.
Qazaqstannyń eń myqty tennısshileri jeńimpaz ataǵy men 5000 AQSh dollary kólemindegi aqshalaı syılyq úshin baq synasady. Erler arasynda Dmıtrıı Popko, Tımofeı Skatov jáne Denıs Evseev - eń úzdikter tiziminde. Qyzdar arasynda Gozal Aınıtdınova men Jıbek Qulambaeva da chempıondyqtan úmitker.
Jeńimpazdar tiziminde jańa esimder bolýy ábden múmkin. Ol 17 qyrkúıekte belgili bolady. Syılyqtan basqa, jeńimpazdar respýblıkalyq chempıonattan keıin ótetin Astana ATP 250 jáne WTA250 kásibı týrnırlerine arnalǵan «Wild-card» alady.