WhatsApp messendjerine qupııalylyqty saqtaý boıynsha jańa fýnksııasy qosylady. Bul - qoldanýshy jelige sońǵy ret kirgen kezdegi aqparatty basqarý opsııasy, dep habarlaıdy Egemen.kz.
Messendjer qoldanýshysyna óz profılindegi aqparatty kim kórip otyrǵanyn naqty bilýge múmkindik beredi.
Máselen, kerekti degen adamdaryńyz úshin messendjerde sońǵy ret bolǵan ýaqytyńyzdy tolyǵymen óshirmeı, jasyra alasyz. Eger jeke kontaktiler úshin «Sońǵy kirýdi» qulyptasańyz, onda olardyń derekteri de Sizge qoljetimdi bolmaıdy.
Bolashaqta, WABetaInfo portaly habarlaǵandaı, jańa fýnksııa fotosýretter men profıl aqparatyna baǵyttalatyn bolady. Bul WhatsApp-tyń jeke ómir qupııalylyǵyn saqtaý múddesin nyǵaıtýǵa múmkindik beredi.
Ázirge bul múmkindik iOS qosymshasynyń beta nusqasynan baıqaýǵa bolady, biraq jaqyn arada Android testerleri úshin de ol qoljetimdi bolyp qalmaq. Bul opsııa taıaýda WhatsApp qyzmeti jańartylǵan kezde resmı túrde jarııa etiledi.