Tálibter Aýǵanstannyń ulttyq batyry Ahmad Shah Masýdtyń qabirin qorlady. Marqum tálibterge qarsy turý qozǵalysynyń jetekshisi Ahmad Masýdtyń ákesi bolǵan, dep habarlaıdy Egemen.kz RIA Novostıge silteme jasap.
«Aýǵan jýrnalısteri «Talıban» Pandjsher arystany Ahmad Shah Masýdtyń qabirin qorlaǵanyn habarlaıdy», dep jazady RIA Novostı.
Ahmad Shah Masýd - tájik tektes Aýǵan dalalyq qolbasshysy, Aýǵanstannyń 1992-1996 jyldardaǵy Qorǵanys mınıstri. Onyń «Pandjsher arystany» degen laqap aty bar. Ol aldymen Keńes áskerlerimen jáne tálipterge qarsy júrgizgen kúresimen tanymal. 2001 jyldyń 9 qyrkúıeginde Masýdqa suhbat kezinde qastandyq jasaldy. Jankeshtiler ózderin jýrnalıster retinde tanystyryp, beınekameraǵa jarylǵysh zattar jasyrǵan. Ahmad Shah Masýd kelesi kúni qaıtys boldy.
Onyń uly, 32 jastaǵy Ahmad Masýd Aýǵanstannyń soltústiginde «Talıbanǵa» qarsy turatyn etnıkalyq mılısııa koalısııasyn qurdy.