BUU Damý baǵdarlamasynyń Qazaqstandaǵy turaqty ókili Iаkýp Berısh zııandy qaldyqtardyń 80 paıyzyn Qazaqstandaǵy eń iri 50 zaýyt shyǵaryp otyrǵanyn aıtty, dep jazady Egemen.kz.
BUU ókili Qazaqstandaǵy ekologııalyq máseleler álemniń kóptegen eline tán ekenin aıtady.
«Bul iste Qazaqstan ǵana emes, BUU-ǵa múshe kóptegen elder baıaý áreket etip otyr. Ásirese memleket saıasatyn ekologııa saıasatyna beıimdep, ekologııa, aýyl sharýashylyǵy, bıoalýandyqty qorǵaý baǵytyndaǵy jumystarǵa memlekettik organdardyń bárin jumyldyrý kerek. Energetıka mınıstrligi men Aýyl sharýashylyǵy mınıstrligi shyǵaratyn sheshimdermen shektelmeý kerek. Bul bastamalardyń bári jeke sektorǵa da áser etýi kerek. Qazaqstandaǵy 50 iri kásiporyn qorshaǵan ortany lastaıtyn qaldyqtyń 80 paıyzyn shyǵaryp otyr. Bul máselede bizge taraptardyń bárin úılestirý qajet. Osynyń bárin qoldaıtyn mehanızm kerek. BUU da, BUU-nyń Damý baǵdarlamasy da bul iske úılestirýshi retinde qatysýǵa daıyn. Árıne, biraq jergilikti bıliktiń qoldaýy eń negizgi mańyzǵa ıe», dedi BUU ókili.