Nogınsk qalasyndaǵy turǵyn úılerdiń birinde gaz jaryldy. Saldarynan zardap shekkenderdiń sany segiz adamǵa jetken. Onyń ishinde eki bala bar, dep habarlaıdy Egemen.kz Máskeý oblysy densaýlyq saqtaý mınıstrliginiń baspasóz qyzmetine silteme jasap.
«Olardyń barlyǵy medısınalyq kómek kórsetý úshin Nogınsk aýrýhanasyna jatqyzyldy», delingen habarlamada.
Jarylys Nogınsk qalasynyń 28 maýsym kóshesi, 9a mekenjaıynda ornalasqan ǵımaratta bolǵan. Ǵımarattyń ekinshi, úshinshi jáne tórtinshi qabaty jartylaı opyrylyp túsken. Oqıǵa ornynan 170-ten astam adam evakýasııalandy.
Reseılik keıbir buqaralyq aqparat quraldary jaraqat alǵandardyń arasynda bir adam reanımasııada jatqanyn jazdy.