О́zbek ǵalymdary koronavırýs geni engizilgen maqta, temeki, qyzanaq ósirip jatyr, dep jazady Egemen.kz.
«Biz koronavırýstyń S aqýyzyn klondadyq. Keıin ony qyzanaqqa engizdik. Nege bul ónim tańdaldy degen suraq týýy múmkin. О́ıtkeni, bul kókónisti biz termoóńdeýden ótkizbeı-aq jeı beremiz. Egerde qyzanaqty sýda qaınatsaq nemese ystyq temperatýrada ustasaq, onda vaksınanyń qasıeti joıylyp ketedi. Bul ónim asqazan arqyly ishekke ótkennen keıin aǵzaǵa erkin sińedi. Sodan soń antıdeneler paıda bola bastaıdy», dep túsindirdi ǵylym akademııasy genomıka jáne bıoınformatıka ortalyǵynyń dırektory Zabardast Býrıev.«Habar 24» arnasynyń jazýynsha, qazir jeýge jaramdy vaksına klınıkaǵa deıingi synaqtan ótip jatyr. О́nim zerthanalyq tyshqandardyń tamaǵyna qosylyp beriledi. Barlyq tekseristi tolyqqandy júrgizý úshin shamamen 2-3 jyl ýaqyt qajet. Mamandardyń aıtýynsha, mundaı vaksınany ósirý men qoldaný úshin kóp qarjy ketpeıdi.
Jalpy jeýge jaramdy vaksına qoldanysta bar tájirıbe. Buǵan deıin de túrli eldiń ǵalymdary gepatıt, sheshek syndy aýrýlarǵa qarsy tura alatyn ósimdik tektes ekpeler jasaǵan. Qazir ózbek ǵalymdarymen qatar Kanada jáne Reseı mamandary da koronavırýs ınfeksııasyna qarsy jeýge jaramdy vaksına jasap jatyr. Ázirge olardyń eshbiri qoldanysqa engen joq.