Qazaqstan 2060 jylǵa qaraı kómirdi paıdalanýdan tolyq bas tartýǵa nıetti. Bul týraly QR ekologııa, geologııa jáne tabıǵı resýrstar vıse-mınıstri Ahmetjan Pirimqulov aıtty, dep habarlaıdy Egemen.kz.
«Parıj kelisiminiń mindettemelerin oryndaý jáne 2060 jylǵa qaraı shyǵaryndylardyń «nóldik» deńgeıine jetý úshin Qazaqstannyń kómirtegi beıtaraptylyǵy tujyrymdamasyn ázirleý boıynsha jumystar aıaqtalýǵa jaqyn. Tujyrymdama nátıjeleri gazdy, munaı ónimderin paıdalanýdy azaıtý, 2060 jylǵa qaraı kómirden tolyqtaı bas tartý qajettiligin kórsetti», dedi vıse-mınıstr.
Onyń aıtýynsha, «nóldik» tepe-teńdikke qol jetkizý úshin Qazaqstan jańartylatyn energııa kózderin qoldanýdy keńeıtý, energııa tıimdiligin arttyrý jáne bıootyn men sýtegine kóshý turǵysynan eleýli ózgeristerge tap bolady.
Tolyq tujyrymdama osy jyly Glazgo qalasynda ótetin BUU-nyń 26 -shy konferensııasynda usynylady.