QR Indýstrııa jáne ınfraqurylymdyq damý vıse-mınıstri Berik Kamalıev Qazaqstanda aqyly jolmen júrý tarıfi jóninde saýalǵa jaýap berdi, dep habarlaıdy Egemen.kz.
«Aqyly jolmen júrý tarıfi 2013 jyly bekitilgen. Sodan beri bul tarıf ózgergen joq jáne aldaǵy ýaqytta ózgermeıdi de», dedi Berik Kamalıev Ortalyq kommýnıkasııalar qyzmetindegi baspasóz máslıhatynda.
Onyń aıtýynsha, elimizde jeńil avtokólikter úshin 1 shaqyrymyna 1 teńgeni, aýyr júk kólikteri úshin 1 shaqyrymyna júk syıymdylyǵyna baılanysty 5 teńgeden 25 teńgege deıingi somany quraıdy.
Al kórshiles Reseıde jeńil avtokólikter 1 shaqyrym úshin 7 teńge jáne júk kólikteri 7-den 55 teńgege deıin tóleıdi.
Eýropa elderindegi tarıfter júk kólikteri úshin 5 ese, al jeńil avtokólikter úshin 20 ese joǵary.