Anglııanyń Brıstol qalasyndaǵy janarmaı beketinde qolynda pyshaǵy bar belgisiz bireý adamdardy kepilge aldy, dep habarlaıdy Egemen.kz Independent basylymyna silteme jasap.
Búgin saǵat 7:30-da Hengrov-Ýeıdegi Esso janarmaı beketinde bolǵan oqıǵa ornyna qarýlanǵan polısııa kúshteri men qylmyskermen tildesýshi maman jumyldyryldy. Polısııanyń habarlaýynsha, úsh saǵattan keıin belgisiz er adam ustalǵan.
Janarmaı beketiniń qyzmetkerleri zardap shekpegen, olar qaýipsiz jerge jasyrynǵan. Jeńil jaraqat alǵan bir adam aýrýhanaǵa jetkizildi.
«Búgin tańerteń biz Hengrov-Ýeıdegi janarmaı beketindegi oqıǵaǵa baılanysty er adamdy ustadyq. Tergeý júrip jatyr», dep málimdedi Eıvon men Somerset polısııasy.