Ankaranyń ANKASAM zertteý ortalyǵynda QR Prezıdenti Qasym-Jomart Toqaevtyń Qazaqstan halqyna Joldaýy talqylandy, dep jazady Egemen.kz.
Jıynda Qazaqstannyń Túrkııadaǵy Elshisi Abzal Saparbekuly Prezıdenttiń Joldaýyna qatysty «Qazaqstan Prezıdenti Qasym-Jomart Toqaevtyń halyqqa Joldaýy: júıeli reformalardy jalǵasy» taqyrybynda baıandama jasady.
ANKASAM zertteý ortalyǵynyń basshysy professor, doktor Mehmet Seıfettın Erol Túrkııa men Qazaqstan arasyndaǵy yntymaqtastyq odan ári jalǵasyn tabatynyna senim bildirdi.
«Myqty Qazaqstan – myqty túrik álemi. Ol kúsh túrik áleminiń geosaıasatynyń tiregi. Ankara-Nur-Sultan osy geosaıasattyń negizgi osin quraıdy», dedi Túrik áleminiń bolashaqta keń geografııada mańyzdy ról atqaratynyna nazar aýdarǵan Erol.
Jıynǵa ANKASAM ujymy men BAQ ókilderi qatysty.