24-25 qyrkúıekte Nur-Sultanda Qazaqstannyń izdeý toptarynyń halyqaralyq konferensııasy ótedi. Bul týraly Atamnyn Amanaty qoǵamdyq birlestigi basshysynyń orynbasary Raıgúl Mýshanova habarlady, dep jazady Egemen.kz.
«Halyqaralyq konferensııa Reseıdiń izdestirý qozǵalysymen birlesip ótkiziledi. Biz úshin bul alǵash ret uıymdastyrylyp otyrǵan mańyzdy oqıǵa. Qazaqstannyń túkpir-túkpirinen izdeýshiler jáne Reseıden 50-ge tarta izdeýshi keledi», dedi ol.
«Konferensııadaǵy negizgi máselelerdiń biri Qazaqstannyń birtutas izdeý qozǵalysyn qurýǵa arnalady. Izdeý toptaryn bir resmı uıymǵa biriktirý máselesi birneshe jyldan beri talqylanyp keledi. Búgingi kúni Qazaqstannyń izdeýshileri qaýymdastyǵy quryldy, biraq áli resmı tirkelmegen. Qazaqstanda 10-ǵa jýyq resmı izdestirý toby bar jáne barlyǵy óz josparymen jumys isteıdi», dep atap ótti spıkerler.
«Biz bul konferensııa Qazaqstannyń kúsh-jigeri men izdeýshilerin biriktirý turǵysynan oń nátıje beredi jáne Reseımen jemisti yntymaqtastyq ornatamyz dep úmittenemiz», dedi Mýshanova.