Qazaqstan Respýblıkasy Úkimetiniń qaýlysymen Erlan Qojaǵapanov Qazaqstan Respýblıkasy Mádenıet jáne sport vıse-mınıstri qyzmetinen bosatyldy. Bul týraly QR Premer-Mınıstriniń baspasóz qyzmeti habarlady, dep jazady Egemen.kz.
Erlan Qojaǵapanov 1968 jyly Almaty oblysynda týǵan.
1992 jyly Qaraǵandy memlekettik ýnıversıtetin, 1999 jyly Almaty memlekettik ýnıversıtetin támamdady. 2006 jyly RF Memlekettik Keden komıtetiniń Reseı Keden akademııasyn ekonomıst, qarjyger, zańger mamandyǵy boıynsha bitirgen.
Eńbek jolyn 1987 jyly bastaǵan. 1990–1994 jyldary kásipkerlik qyzmetpen aınalysqan. 1994–2007 jyldary memlekettik organdar men kásiporyndarda jumys istegen.
2007–2013 jyldary Astana qalasy ákiminiń orynbasary qyzmetin atqardy. 2013–2016 jyldary QR sport jáne dene shynyqtyrý isteri agenttiginiń tóraǵasy, QR Fýtbol federasııasynyń prezıdenti bolyp istegen.
2016 jyldyń jeltoqsanynan bastap qazirgi ýaqytqa deıin QR Premer-Mınıstriniń keńesshisi qyzmetin atqarǵan.
II dárejeli «Aıbyn» ordenimen, «Qurmet» ordenimen marapattalǵan.
2021 jyldyń sáýirinen qazirgi ýaqytqa deıin Qazaqstan Respýblıkasynyń Mádenıet jáne sport vıse-mınıstri boldy.