Qazaqstan Respýblıkasy Ulttyq Bankiniń Aqsha-kredıt saıasaty jónindegi komıteti bazalyq mólsherlemeni +/– 1,00 p.t. paıyzdyq dálizimen jyldyq 9,50% deńgeıinde belgileý týraly sheshim qabyldady, dep jazady Egemen.kz.
Tıisinshe ótimdilikti usyný jónindegi turaqty qoljetimdi operasııalar boıynsha mólsherleme 10,50%, al ótimdilikti alý jónindegi turaqty qoljetimdi operasııalar boıynsha mólsherleme – 8,50% bolady.
2021 jylǵy joǵary baza esebinen shyǵýǵa baılanysty 2022 jyly ınflıasııa 4-6% nysanaly dálizdiń joǵarǵy shegine qaraı báseńdeı bastaıdy. Syrtqy ınflıasııalyq qordyń jeńildeýi jáne bıylǵy jyly álemdik azyq-túlik baǵasynyń aıtarlyqtaı ósýinen keıin olardyń boljamdy tómendeýi aıasynda ınflıasııa báseńdedi. Bul rette 2022 jyly dezınflıasııalyq prosester kóbinese bıylǵy jyly Qazaqstandaǵy dándi-daqyldardan kútiletin jınap alý túsimine, jahandyq jetkizý tizbegindegi qalpyna kelýge jáne 2022-2023 jyldary ishki ekonomıkany fıskaldyq yntalandyrý deńgeıine táýeldi bolady.
Ulttyq Bank ınflıasııaǵa qarsy sharalardy iske asyrýdyń tıimdiligin jáne AQSh FRJ men EOB tarapynan monetarlyq yntalandyrýdyń qysqarý táýekelderin baǵalaı otyryp, dezınflıasııalyq aqsha-kredıt saıasatyn júrgizýdi jalǵastyrady. Bul sharalar Aqsha-kredıt saıasatynyń 2030 jylǵa deıingi strategııasyna sáıkes 2022 jyly ınflıasııany 4-6% nysanaly dálizge tómendetýge yqpal etedi.
Qazaqstan Respýblıkasy Ulttyq Bankiniń Aqsha-kredıt saıasaty jónindegi komıtetiniń bazalyq mólsherleme jónindegi kezekti josparly sheshimi 2021 jylǵy 25 qazanda Nur-Sultan qalasynyń ýaqyty boıynsha saǵat 15:00-de jarııalanady.