Jambyl oblysynyń polıseıleri altyndy zańsyz óndirip júrgenderdi quryqtady, dep habarlaıdy Egemen.kz.
Oblystyq polısııa usynǵan derekterge sáıkes, 9 qyrkúıekte Moıynqum aýdany Aqbaqaı aýylynan 20 shaqyrym jerde jasandy shahtalarda altyn quramdy ken óndirýmen aınalysqan toǵyz jergilikti turǵyn ustaldy.
«Jedel-izdestirý is-sharalaryn júrgizý kezinde qylmystyq top óndirilgen kendi Shý ózeni aýdanyndaǵy fazendaǵa tasymaldaǵany anyqtaldy. Tintý barysynda zańsyz ornatylǵan eki untaqtaǵysh pen quramynda altyny bar kendi óńdeýge, qumdy tazalaýǵa arnalǵan eki apparat, sondaı-aq 10 tonna kólemindegi ken tárkilendi», dep atap ótti oblystyq PD bastyǵy Janat Súleımenov.
Qazirgi ýaqytta tergeý amaldary júrgizilip, qajetti saraptamalar taǵaıyndaldy.