Qostanaıdaǵy toǵyz qabatty turǵyn úıdegi órt kezinde órt sóndirýshiler 77 adamdy, onyń ishinde 20 balany evakýasııalady, dep jazady Egemen.kz.
Qostanaı oblysy TJD Qoǵammen baılanys tobynyń málimetinshe, birinshi qabattaǵy qoqys qubyry shahtasynda 15 sharshy metr aýmaqta qoqys órtengen.
Joǵary temperatýranyń áserinen qoqys qubyry 1-shi jáne 2-shi qabattar arasynda qulaǵan. Baspaldaqtar men tómengi qabat alańdaryn qoıý tútin basyp qalǵan. Jeldetý kanaldary arqyly tútin kireberistiń joǵarǵy qabattaryna tez taralyp, turǵyn úılerge kirgen.
«Abaı dańǵylyndaǵy kópqabatty úıde 10 qyrkúıek kúni keshke órt shyqqan. «101» pýltine órt týraly habarlama saǵat 22:08-de kelip tústi, bes mınýttan keıin órt sóndirýshiler oqıǵa ornynda boldy. О́rt sóndirýshiler jaǵdaıdy birden baqylaýǵa aldy. Tútin basqan kireberisten úı turǵyndaryn esh kidirissiz kóshege shyǵardy. Adamdardyń jaǵdaıy qanaǵattanarlyq, eshkim zardap shekken joq. Saǵat 22:36-da órt tolyǵymen sóndirildi. О́rttiń aldyn ala sebebi – temeki shegý kezinde otty abaısyz qoldaný», delingen habarlamada.
О́rtti sóndirýge Qostanaıdyń úsh órt sóndirý bóliminiń bólimshelerinen 20 qyzmetker men 6 tehnıka jumyldyryldy.