QR Ulttyq bankiniń tóraǵasy Erbolat Dosaev Úkimet otyrysynda Ulttyq qordaǵy aktıvterdiń mólsherin atady, dep habarlaıdy Egemen.kz.
«Ulttyq qordyń aktıvteri bıylǵy tamyzdyń sońynda 56,9 mlrd AQSh dollary boldy. Tamyzda 396 mlrd teńgege nysanaly jáne kepildendirilgen transfertterdi bólý úshin 845 mln AQSh dollary satyldy. Tamyzda Ulttyq qorǵa túsken túsimder – 420 mlrd teńge», deıdi Ulttyq bank basshysy.
Onyń aıtýynsha, tamyzda Ulttyq qordyń ınvestısııalyq kirisi oń qalyptasyp, 316 mln dollar bolǵan. Tamyz aıynda aksııalardyń 431 mln dollarǵa nemese 2,52%-ǵa ósýi oblıgasııalar men altyn baǵasynyń tómendeýine baılanysty týyndaǵan shyǵyndardy jaýyp ketken.
«Jyl basynan beri Ulttyq qordyń ınvestısııalyq kirisi aksııalar naryǵynda ósip, 2,3 mlrd dollar nemese 4,11% boldy», dedi Erbolat Dosaev.
Eske salsaq, Ulttyq bank tóraǵasy jyl sońyna deıin ınflıasııanyń qaı deńgeıge baratynyn boljady.