Shymkenttegi jazataıym oqıǵa eki jasar qyzdyń ómirin qıdy. Bala segizinshi qabattyń terezesinen qulap ketti, dep habarlaıdy Egemen.kz Shymkent qalalyq TJD baspasóz qyzmetine silteme jasap.
Qutqarýshylardyń aqparaty boıynsha, kóp qabatty úıdiń segizinshi qabatynyń terezesinen balanyń qulaǵany týraly aqparat kelip tústi.
Qaıǵyly oqıǵa Qarataý aýdanynyń «Nursat» shaǵyn aýdanynda bolǵan. Aldyn ala málimetter boıynsha, ata-anasynyń qaraýynsyz qalǵan 2019 jyly týǵan qyz terezeden abaısyzda qulap ketken. Bala oqıǵa ornynda qaıtys boldy.
Qutqarýshylar ata-analardy balalardy qaraýsyz qaldyrmaýǵa shaqyrady.
Jyl basynan beri Shymkent aýmaǵynda balalardyń terezeden qulaýynyń alty jaǵdaıy tirkeldi. Úsh jaǵdaıda balalar qaıtys bolsa, qalǵan úsheýinde jaraqat aldy.