Bolıvııanyń Kamargo qalasyndaǵy janarmaı qoımasynda birneshe márte jarylys bolyp, artynsha órt shyqqan, dep habarlaıdy Egemen.kz.
Aqparat kózderiniń habarlaýynsha, aldymen gaz balony, keıin dızel otyny saqtaýly bak jaryldy. Qaıǵyly oqıǵadan 12 adam túrli jaraqat alǵan. Zardap shekkenderdiń barlyǵy dárigerlerdiń jiti baqylaýynda. Jarylystyń kúshinen jaqyn mańdaǵy ǵımarattar da zaqymdanǵan. Mamandar laýlaǵan otty 5 saǵattan keıin aýyzdyqtady. Jarylystyń ne sebepten bolǵanyn anyqtaý maqsatynda tergeý isi bastaldy.