Túrkııanyń memlekettik arnasy TRT-niń túsirilim toby «Qalama qosh keldińiz» jobasyn túsirý úshin Qazaqstanǵa keldi, dep jazady Egemen.kz.
«Qalama qosh keldińiz» atty joba 13 bólimnen turady. Budan buryn London, Rım, Parıj, Amsterdam, Býdapesht, sondaı-aq Máskeý syndy Eýropanyń iri qalalary túsirilgen. Endi baǵdarlamanyń segizinshi bólimi tolyqtaı Nur-Sultan qalasyna arnalmaq.
TRT men Iýnýs Emre ınstıtýty arasynda qol qoıylǵan yntymaqtastyq aıasynda túsirilim toby jumystaryn bastap ketti.
TRT toby Báıterek monýmenti, Beıbitshilik jáne kelisim saraıy, Han Shatyr oıyn saýyq jáne saýda ortalyǵy, Qazaqstan Ulttyq mýzeıi, Qoljazbalar jáne sırek kitaptar ulttyq ortalyǵy, Áziret Sultan meshiti, Atyraý kópiri, EKSPO-2017 kesheni men Qazaq Eli monýmenti sııaqty Elordanyń eń tanymal oryndaryn túsiredi.
Nur-Sultandaǵy Iýnýs Emre ınstıtýtynda túrik tilin úırenip jatqan oqýshylar elordany túrik kórermenderge túrikshe tanystyrady.
Qazaqtyń ulttyq aspaptary dombyra men saz syrnaı tartatyn ónerpazdar túrik kórermenderge óz ónerlerin pash etedi. Sondaı-aq júrgizýshiler ulttyq taǵamdardan dám tatyp, qazaq ashanasy týraly málimet aldy.
Prodıýser-rejısser Parlaıan Iyldyz, operatorlar Mevlıýt Dóner men Selchýk Karacham daıyndaıtyn baǵdarlama TRT arnalarynda kórermenderge jol tartady.