Qazaqstan Respýblıkasynyń Tuńǵysh Prezıdenti - Elbasy Nursultan Nazarbaev XVII Eýrazııa medıaforýmyna qatysýshylardy quttyqtady, dep habarlaıdy Egemen.kz.
«XVII Eýrazııa medıaforýmyna qatysýshylar men qonaqtardy qarsy alǵanyma qýanyshtymyn. Osy jyldar ishinde forým pikir almasýdyń tanymal medıa alańyna aınaldy. Belgili saıasatkerler, sarapshylar men jetekshi buqaralyq aqparat quraldarynyń ókilderi munda álemdik qoǵamdastyq úshin eń ózekti máselelerdi qarastyryp, olardy sheshýdiń jańa tásilderin ázirleıdi», dep QR Memlekettik hatshysy Qyrymbek Kósherbaev Nursultan Nazarbaevtyń úndeýin oqydy.
Nursultan Nazarbaev forým óz tarıhynda alǵash ret onlaın formatta ótip jatqanyn, biraq bul Eýrazııa men álemniń ózekti problemalarynyń mańyzdylyǵy men keńinen talqylanýyna esh áser etpeıtinin atap ótti.
«Bıyl Qazaqstan táýelsizdiginiń 30 jyldyǵyn atap ótedi. Biz uzaq jáne qıyn joldan óttik, mańyzdy nátıjelerge qol jetkizdik. Búginde elimizdiń aldynda jańa órshil mindet tur - 2050 jylǵa qaraı álemdegi eń damyǵan 30 eldiń qataryna ený. Halyq birligi - árqashan Qazaqstannyń alǵa jyljýynyń ózegi, bul strategııalyq maqsatqa da qol jetkizemiz», dedi Elbasy.
Nursultan Nazarbaev sondaı-aq jańa jahandyq syn-qaterler men pandemııaǵa qarsy kúrestiń qazirgi jaǵdaıynda bul birtutastyq prınsıpi búkil adamzat úshin mańyzdy ekenin atap ótti.
«Barlyq forým qatysýshysyna jemisti talqylaý tileımin. Sizdiń jumysyńyz jahanǵa qazirgi álemniń tek birlik, dıalog pen ózara syılastyq arqyly ǵana damı alatynyn túsindirýge qyzmet etsin», dedi Elbasy forýmǵa qatysýshylarǵa.