Búgin Aqparat jáne qoǵamdyq damý mınıstrliginde Aıda Balaeva Nur-Sultandaǵy Eýrazııalyq Medıaforýmnyń qatysýshylary Ázerbaıjan Respýblıkasynyń ókilderimen kezdesý ótkizdi, dep habarlaıdy Egemen.kz mınıstrliktiń Baspasóz qyzmetine silteme jasap.
Is-sharaǵa Ázirbaıjan Respýblıkasy Prezıdenti ákimshiligi Medıa bóliminiń basshysy K.Gasanov, Televızııa jáne radıo jónindegi ulttyq keńestiń basshysy A.Ismaılov, Ázirbaıjan Respýblıkasy Prezıdenti ákimshiligi medıa bólimi basshysynyń orynbasary O.Sattarov, Ázirbaıjan Respýblıkasynyń Qazaqstandaǵy Tótenshe jáne О́kiletti Elshisi A.Atamoglanov, «Ázirbaıjan televızııasy jáne radıohabary» JAQ tóraǵasy R.Mammadov qatysty.
Mınıstr A.Atamoglanovty jaqynda Ázirbaıjan Respýblıkasynyń Qazaqstandaǵy Tótenshe jáne Ýákiletti Elshisi qyzmetine taǵaıyndalýymen quttyqtap, Mınıstrlik qyzmetiniń negizgi baǵyttarymen tanystyrdy.
Oǵan qosa, Aıda Balaeva Ázirbaıjan aýmaǵynda kabeldik operatorlar torynda «Qazaq tv» telearnasynyń habar taratýyna kómek kórsetýdi surady, sondaı-aq Mınıstrliktiń Ázirbaıjan telearnalarymen birlesken jobalardy iske asyrýǵa, medıasaladaǵy mamandardyń tájirıbe almasýyn uıymdastyrýǵa daıyn ekendigin bildirdi.
A.Balaeva Ázirbaıjan ókilderin bıylǵy jyldyń 27-28 qyrkúıeginde ótetin «Astana Media Week» medıaaptalyǵyna qatysýǵa shaqyrdy.
Kezdesý qorytyndysy boıynsha taraptar ózara tıimdi yntymaqtastyqqa qyzyǵýshylyq tanytty.