Shanhaı Yntymaqtastyq Uıymy (ShYU) elderiniń kóshbasshylary birlestikke Irandy qosýdy uıǵardy. Olar Tájikstandaǵy sammıt kezinde prosedýranyń bastalýy týraly qujattarǵa qol qoıdy, dep jazady Egemen.kz.
ShYU kóshbasshylary birlestiktiń 20 jyldyǵyna arnalǵan Dýshanbe deklarasııasyna jáne yntymaqtastyq týraly taǵy 30 qujatqa qol qoıdy. Sonymen qatar, Katar, Egıpet jáne Saýd Arabııasy ShYU dıalogy boıynsha seriktes mártebesin aldy.
17 qyrkúıekte Tájikstan prezıdenti Emomalı Rahmonnyń tóraǵalyǵymen ótken sammıtke ShYU-ǵa múshe memleketterdiń basshylary qatysty. Olardyń qatarynda Memleket basshysy Qasym-Jomart Toqaev, Qyrǵyzstan prezıdenti Sadyr Japarov, Pákistan premer-mınıstri Imran Han jáne О́zbekstan prezıdenti Shavkat Mırzıeev bar. QHR Tóraǵasy Sı Szınpın, Úndistan premer-Mınıstri Narendra Modı jáne Reseı prezıdenti Vladımır Pýtın ShYU otyrystarynyń jumysyna beıne baılanys arqyly qosyldy.