Úndistan aldaǵy 10 kúnniń ishinde saıahatshylar úshin shekarasyn ashyp, týrızm salasyna qan júgirtpek, dep habarlaıdy Egemen.kz.
Bul úshin bılik elge keletin alǵashqy 500 myń meımanǵa tegin vıza taratý jobasyn qolǵa almaq nıette. Bul týraly jergilikti aqparat agenttikteri eldiń ishki ister mınıstrligine silteme jasaı otyryp habarlaıdy. Bıliktiń bul sheshimine aımaqtaǵy epıdemıologııalyq ahýaldyń ońalýy sebep.
Aıta keteıik, saıahatshylarǵa elektrondy vıza berý tártibi ótken jyldyń naýryzynda toqtatylǵan. Buǵan jer-jahandy jaılaǵan pandemııa sebep boldy. Búginde Úndistanǵa týrıster úshin 1 aılyq vızanyń quny orta eseppen 25 dollar, al bir jylǵa 40 dollar turady.
Jańa joba memleket qazynasyna 10 mln 800 myń AQSh dollaryna baǵalanyp otyr. Týrısterge naqty qandaı talap qoıylatyny ázirge belgisiz. Boljam boıynsha shetel azamaty mindetti túrde koronavırýsqa qarsy egilýi tıis.