Bul týraly Almaty qalasy PD-i bastyǵynyń orynbasary Rýstam Abdirahmanov málimdedi, dep jazady Egemen.kz.
Onyń aıtýynsha, búgin sot qaýlysyn oryndaý barysynda 5 adam qaza tapty, onyń ekeýi polısııa qyzmetkeri. Qaıǵyly jaǵdaı saǵat 17.00 shamasynda boldy.
«Sot qaýlysy boıynsha múlikti eki tarap arasynda bólý kózdelgen. Sot qaýlysyn oryndaý barysynda baspanadan shyǵarylatyn azamat úıine júgirip baryp, tirkelgen ańǵa arnalǵan qarýdan sol jerdegi adamdarǵa oq jaýdyrdy. Qaza tapqan adamnyń biri múlikti ıelenetin jańa qojaıyn bolǵan», dedi ol.
Atalǵan jaǵdaı boıynsha sotqa deıingi tergeý amaldary bastalǵan. Kináli adam 20 jylǵa deıin nemese ómir boıyna bas bostandyǵynan aıyrylýy múmkin.
«Arnaıy jasaqtyń kómegimen kúdikti ustaldy. Ol jerde áıel men kámelettik jasqa tolmaǵan balalar bolǵandyqtan bizdiń taraptan qarý qoldanylmady. Oqıǵa ornyn polısııa qorshaýǵa aldy, osy mańdaǵy adamdardyń ómirine eshqandaı qaýip joq», dedi Rýstam Abdirahmanov.
Aıta ketsek, buǵan deıin Almaty qalasy Alataý aýdanyndaǵy «Aqbulaq» shaǵynaýdanynda atys bolyp, bes adam qaza tapqanyn habarlaǵanbyz.
Qaza tapqandar arasynda eki polısııa, sot oryndaýshy jáne eki beıbit azamat bolǵan.