18 qyrkúıekte Qaraǵandy qalasynyń týmasy Álim Beısembaev Anglııanyń Lıds qalasynda ótken HH fortepıanoshylar baıqaýynda jeńiske jetti. Jeńimpaz «Ýoterman» altyn medali men 25 000 fýnt sterlıng syıaqyǵa ıe boldy, dep habarlaıdy Egemen.kz Mádenıet jáne sport mınıstrligine silteme jasap.
Sonymen qatar ol Warner Classics kompanııasy uıymdastyrǵan daýys jazýǵa jáne Steinway&Sons tarapynan eýro týr jasaýǵa múmkindik aldy. Sondaı-aq Álim XX-XXI ǵasyrlardaǵy úzdik týyndylardy jaqsy oryndaǵany úshin beriletin Lıverpýldegi koroldik fılarmonııa qaýymdastyǵynyń jáne medici.tv nusqasy boıynsha kórermen kózaıymy syılyǵyna ıe boldy.
Baıqaý qorytyndysy boıynsha japonııalyq Kaıto Kobaıashı ekinshi oryn men kúmis medalǵa ıe bolsa, úzdik úshtikti ızraıldik Arıel Lanı túıindedi.
Mýzykanttar Lıverpýldegi koroldik fılarmonııanyń derıjeri Endrıý Manseniń súıemeldeýimen klassıkalyq týyndylardy oryndady.
Aıta keteıik, Álim – bul baıqaýda jeńiske jetken tuńǵysh qazaqstandyq ónerpaz. 23 jastaǵy mýzykant 2016 jyldyń qyrkúıeginen bastap Londondaǵy koroldik mýzyka kolledjiniń magıstratýrasynda oqıdy. Bul oqý ornynda ol tanymal professor – Vanessa Latarsh pen Dmıtrıı Alekseevten dáris alady.