Katardaǵy Qazaqstan elshiligi Dohada akkredıttelgen Azııa memleketteriniń dıplomatııalyq mıssııalarynyń basshylary, Katar SIM jáne BAQ ókilderiniń qatysýymen Qazaqstannyń AО́SShK-ke tóraǵalyq etýine arnalǵan brıfıng ótkizdi, dep habarlaıdy Egemen.kz.
Qazaqstannyń Katardaǵy Elshisi Arman Isaǵalıev óz sózinde 30 jyl buryn aıtylǵan QR Tuńǵysh Prezıdenti – Elbasy Nursultan Nazarbaevtyń Azııadaǵy ózara is-qımyl jáne senim sharalary jónindegi keńesti shaqyrý jónindegi bastamasy keńinen halyqaralyq moıyndaýǵa ıe bolǵanyn jáne jıyntyǵynda álemdik JIО́-niń 50%-dan astamyn quraıtyn jáne jahandyq ekonomıkalyq ósýdiń úshten ekisin qamtamasyz etetin 27 múshe memleketti biriktiretin Azııa qaýipsizdik jáne yntymaqtastyq júıesiniń mańyzdy tuǵyrnamasyna iske asyrylǵanyn atap ótti.
Dıplomat Qazaqstannyń 2020-2022 jyldardaǵy AО́SShK-ke tóraǵalyq etýiniń basymdyqtary týraly egjeı-tegjeıli aıtyp berdi.
«AО́SShK-ti tolyqqandy uıymǵa aınaldyrý tabysty jumys istep turǵan dıalog alańyna halyqaralyq sýbektıvtilik pen jahandyq ról beredi, osylaısha Azııa memleketteriniń jalpy álemdik prosesterge yqpal etý tetikterin nyǵaıtady», dedi Arman Isaǵalıev.
Is-sharaǵa qatysýshylar 2021 jylǵy 11-12 qazanda Nur-Sultan qalasynda ótetin AО́SShK-ge qatysýshy shet elder mınıstrleriniń aldaǵy 6-shy kezdesýiniń negizgi aspektileri týraly habardar boldy.
Is-shara qorytyndysy boıynsha óńirlik kún tártibindegi máseleler tuǵyrynda pikiralmasty.
Sonymen qatar, atalǵan is-shara aıasynda el Táýelsizdiginiń 30 jyldyǵyna arnalǵan «Álemdik qoǵamdastyq moıyndaǵan Qazaqstan» atty fotokórme uıymdastyryldy.