Elimizde qysqy kezeńde et baǵasynyń kúrt kóterilýi kútile me? Bul suraqqa QR Aýyl sharýashylyǵy mınıstriniń keńesshisi Tóleýtaı Rahymbekov jaýap berdi, dep habarlaıdy Egemen.kz.
«Qysta et baǵasy aıtarlyqtaı qymbattaıdy dep oılamaımyn. Biraq, baǵalardyń kóterilýi múmkin ekenin Mańǵystaý, Qyzylorda oblystarynda mal qyryla bastaǵan kezde jazǵan bolatynmyn. Aıtpaqshy, men mal ólimi týraly jeke aıtsam, keıbir haıp súıetinder, jeńil bedeldi súıetinder Qazaqstanda úsh mıllıonǵa jýyq mal óledi degen jalǵan aqparat taratqan. Shyn máninde, jaǵdaı sonshalyqty qorqynyshty emes. Árıne, bıylǵy jyl aýyl sharýashylyǵy úshin, mal sharýashylyǵy úshin óte qıyn boldy. Naryq zańy boıynsha, aldymen baǵanyń tómendeýi múmkin, sodan keıin baǵa ósýi múmkin», dedi Tóleýtaı Rahymbekov.
Spıker 2017 jyly azyq daıyndaý kartasyn daıyndaý kezinde jem-shóp daqyldarynyń tapshylyǵy Mańǵystaý, Qyzylorda, Túrkistan oblystarynda jáne Shyǵys Qazaqstan oblysynyń Semeı óńirinde baıqalatynyn atap ótti.
«Atalǵan óńirlerde, mal sharýashylyǵymen aınalysqysy keletin adamdar jem-shóp, qosymsha óndiris týraly oılanýlary kerek», dedi ol.