Jaqynda Astanada tennısten ótken Devıs kýbogynyń 1/8 fınaldyq kezdesýinde Qazaqstan komandasy Belgııa quramasyn 3:2 esebimen jeńip, shırek fınalǵa shyqty. Birinshi kúni bizdiń otandastar qarsylastaryn 2:0 esebimen utyp, 1/4 fınalǵa shyǵýdyń negizin qalady. Osy kúni ótken matchty Memleket basshysy Nursultan Nazarbaev kelip, tamashalady.
Kezdesýdiń alǵashqy kúni aldymen álemdik reıtıngte 67-oryndaǵy Mıhaıl Kýkýshkın belgııalyq qarsylasy Rýben Bemelmansty qınalmaı utty. Tórt setke sozylǵan match 6:4, 6:7, 6:2, 6:3 esebimen aıaqtaldy.
Ekinshi oıynda Andreı Golýbev pen Davıd Goffen kezdesti. Bul oıyn asa tartysty ótti. Ol tórt saǵatqa sozyldy. Birinshi set taı-breıkke deıin jalǵasty. Golýbev 11:9 esebimen ony óz paıdasyna sheshe bildi. Ekinshi sette 6:3 etip utqan qarsylasy esepti teńestirip ketti. Úshinshi sette taǵy da Goffen basymdyq kórsetti. Bul joly ol 6:4 esebimen jeńdi. Al tórtinshi sette qazaqstandyq tennısshi eki breıkti sátti oryndap, jalpy esepti qaıta teńestirdi – 6:2. Sóıtip, kimniń basym ekenin sońǵy set sheshti. Aqyrǵy aıqas 12 geımge deıin jalǵasty. Osy tusta Goffenniń sharshap qalǵany anyq baıqaldy. Muny jaqsy paıdalanǵan Golýbev setti 12:10 etip aıaqtady.
Osylaısha, jarystyń alǵashqy kúni Qazaqstan quramasy 2:0 esebimen alǵa shyqty. Ekinshi kúni Evgenıı Korolev pen Denıs Evseev juby Olıve Rohýs - Kımmer Koppeıans tandemimen oınady. Bul kezdesýde qarsylastar 2:6, 7:4, 3:6, 6:7 (4:7) esebimen utty.
Sońǵy kúni Mıhaıl Kýkýshkın Olıve Rohýstan utyldy. Belgııalyqtar esepti teńestirdi. Al sheshýshi matchta Andreı Golýbev Rýben Bemelmanspen oınap, 6:2, 6:3, 6:1 esebimen jeńiske jetti. Qorytyndy esep – 3:2. Sóıtip, Qazaqstan quramasy osymen úshinshi ret shırek fınalǵa joldama aldy. Endi bizdiń qurama taǵy da Shveısarııamen oınaıdy.
Dastan KENJALIN,
«Egemen Qazaqstan».
Sýretterdi túsirgender S.BONDARENKO, B.OTARBAEV.