Kezekti aýyl sharýashylyǵy jármeńkesi 25 jáne 26 qyrkúıekte Aqtóbe oblysynyń taýar óndirýshileriniń qatysýymen ótedi. Shara dástúrli túrde barlyq sanıtarlyq normalar men karantın talaptaryn saqtaı otyryp, «Han Shatyr» SOO janyndaǵy alańda ótedi, dep habarlaıdy Egemen.kz.
Jármeńkege Aqtóbe oblysynyń 12 aýdany men Aqtóbe qalasynan 20-dan astam aýyl sharýashylyǵy taýar óndirýshileri men qaıta óńdeý kásiporyndary óz ónimderin ákeledi.
Elorda turǵyndary men qonaqtaryna kelesi ónimder usynylady:
- ettiń barlyq túri - 60 tonna;
- kartop pen kókónister - 61 tonna;
- sút ónimderi -16 tonna;
- ósimdik maıy - 1 tonna;
- jumyrtqa - 17,2 myń dana;
- balyq - 5,3 tonna;
- bal - 0,5 tonna;
- shujyq ónimderi - 8 tonna;
- un jáne makaron ónimderi - 8,5 tonna;
- basqa ónimder - 19,7 tonna.
О́ńirden jalpy kólemi 197,2 tonnadan astam taýar ákelinedi. Jármeńke ónimderiniń baǵasy dástúrli túrde naryqtyq baǵadan 10-15%-ǵa tómen bolady.
Aıta ketý kerek, jármeńkege kelýshiler karantın talaptaryn qatań saqtaýy kerek: betperde kıip, áleýmettik qashyqtyq týraly umytpańyz jáne qoldy arnaıy quraldarmen dezınfeksııalańyz.