О́tken jyly kásipqoılar rınginde 4 kezdesý ótkizip, sonyń barlyǵyn da merziminen buryn bitirgen qazaqstandyq Gennadıı Golovkın bıylǵy jyldy da jeńispen bastady. Ol aqpannyń 2-sine qaraǵan túni Monakonyń Monte-Karlo qalasynda ganalyq Osýmaný Adamamen qolǵap túıistirip, ony 7 raýndta nokaýtpen utty.
Bul joly óziniń WBA jáne IBO nusqalary boıynsha Álem chempıony degen ataǵyn qorǵaǵan Gennadıı urystyń basynan basymdyǵyn baıqatty. Gong soǵylysymen býyrqanǵan býradaı arqyrap alǵa umtylǵan qaraǵandylyq qabylan qarsylasyn taptap óte shyǵatyndaı bolyp kórindi. Shynynda solaı boldy. Birinshi raýndta-aq alǵashqy nokdaýnyn alyp úlgergen Osýmaný Adama budan keıin bizdiń baǵlanǵa ses tanytatyndaı qarsylyq kórsete almady. Ýaqyt uzaǵan saıyn qarqynyn údetken Gena ony altynshy raýndta taǵy bir eseńgiretip tastady. Osy tusta-aq Adamanyń adymy uzaqqa bara qoımasy ańǵarylyp qaldy. Sol kóringen kókjıek kelesi raýndta aldymyzdan jarqyrap shyǵa keldi. Qarsylasyn taǵy bir uryp qulatqan Gennadıı Golovkın tehnıkalyq nokaýtpen jeńiske jetti.
Osylaısha, qazaqstandyq boksshy kásipqoılar rınginde ótkizgen 29 urysyn túgel jeńispen aıaqtap shyqty. Solardyń 26-sy dál osylaı merziminen buryn aıaqtaldy. Bizdiń baǵlannyń kelesi jekpe-jeginiń ótetin ýaqyty bolyp 26 sáýir belgilenip otyr. Ázirge onyń sol kúngi qarsylasy kim ekeni belgisiz.
Rýslan IGILIK.