Memleket basshysy Mańǵystaý oblysyna jumys sapary barysynda óńirdiń týrıstik áleýetimen tanysty, dep habarlaıdy Egemen.kz.
Prezıdent Rixos Water World Aktau qonaq úı kesheniniń ınfraqurylymyn, sonyń ishinde jýyrda ashylǵan oıyn-saýyq parkin aralap kórdi. Aqtaý qalasynyń ońtústigindegi týrıstik aımaqty damytýǵa arnalǵan ınvestısııalyq jobalardy júzege asyrýǵa basa mán berildi.
Atap aıtqanda, ınvestorlar Memleket basshysyna golf klýby, saýda oryndary, vıllalary men apartamentteri bar halyqaralyq deńgeıdegi qonaq úıdiń qurylysy týraly aıtty. Nysan bıyl jyl sońyna deıin paıdalanýǵa beriledi dep josparlanǵan.
Qasym-Jomart Toqaev usynylǵan ınvestısııalyq jobalarǵa oń baǵa berdi. Sonymen qatar týrıstik ınfraqurylymdy keńeıtip, jetildirýdiń jáne týrıster tartýdyń mańyzdy ekenin atap ótti.