Qazaqstan jankúıerleriniń alǵashqy toby Sochıde ótetin XXII Qysqy Olımpıadaǵa 6 qańtarda attanady, dep habarlady Indýstrııa jáne jańa tehnologııalar mınıstrliginiń týrızm ındýstrııasy komıteti.
Basqarma deregi boıynsha, Sochıdegi Qysqy Olımpııa oıyndary kezinde qaýipsizdik saqtaý maqsatynda tuńǵysh ret jankúıerlerge pasport beriledi. Onsyz jankúıerler qalaǵa kire almaıtyn kórinedi.
«Qazaqstan delegasııasynyń birinshi toby 6 aqpan kúni Almatydan ushatyn bolady. Al ekinshi top 15 aqpanda attanady, – delingen habarlamada. – Jalpy, Qazaqstannyń resmı delegasııasy men jankúıerleri qataryna 400-ge jýyq adam kiredi. Olardyń ishinde sport ardagerleri, eńbek sińirgen jattyqtyrýshylar, jas sportshylar men jýrnalıster, sondaı-aq jankúıerler men saıahatshylar bar».
Sochıde Almaty qalasyn EKSPO-2017 men XXIV Qysqy Olımpııa oıyndaryn ótkizýge úmitker retinde usyný jóninde birqatar shara uıymdastyrý josparlanyp otyr. Sonymen qatar, Qazaqstannyń týrıstik áleýetin arttyrý maqsatynda ondaǵy saıahatshylar men jankúıerlerge arnaıy materıaldar taratylady.
Sochıdegi Qysqy Olımpııa oıyndary 2014 jylǵy 7-23 aqpan aralyǵynda ótedi. Onda Qazaqstannyń múddesin 10 sport túrinen baq synaıtyn 50 sportshy qorǵamaq.
Aıdar О́RISBAEV,
«Egemen Qazaqstan».