Sharaına
«Ál-Kaıdanyń» málimdemesi
«Ál-Kaıda» halyqaralyq terrorlyq uıymy «Irak jáne Levanta ıslam memleketi» radıkaldy ıslamıstik tobyna qoldaý kórsetýdi toqtatatynyn málimdedi. Oǵan top músheleriniń «Ál-Kaıda» lıderi Aıman Áz-Zavahırıdiń buıryqtaryna baǵynbaýy sebep bolǵan syńaıly.
О́tken jyldyń mamyrynda Áz-Zavahırı «Irak jáne Levanta ıslam memleketi» tobynyń basshylyǵyna Sırııadaǵy «Ál-Kaıdanyń» «Án-Nýsra maıdany» atty uıashyǵynan tys áreket etý jóninde tapsyrma bergen bolatyn. Degenmen, «Irak jáne Levanta ıslam memleketi» tobynyń lıderi Ábý Bakr ál-Baǵdadı Áz-Zavahırıdiń ókimin tyńdamaı, «Án-Nýsra maıdanymen» birigý týraly talpynys jasaǵan edi.
83 adam bombalaý qurbany boldy
Sırııa áýe qarýly kúshteriniń Aleppo qalasyn bombalaýy saldarynan 83 adam qaza tapqan. Bul jóninde Londonda ornalasqan Sırııadaǵy Adam quqyqtary jónindegi qadaǵalaýshy keńes habarlaǵan.
Quqyq qorǵaýshylardyń aıtýlaryna qaraǵanda, soqqydan qurban bolǵandardyń basym kópshiligi beıbit turǵyndar. Belsendiler sonymen birge, jarylǵysh zattar, bolat bólshekter men janǵysh zattar salynǵan kanıstrlardyń qoldanylǵanyn atap kórsetýde. Aıta ketý kerek, úkimet áskeri uzaq ýaqyttan beri Alepponyń birqatar aýdandaryna baqylaý jasap otyrǵan ereýilshilerdi qýyp shyǵýǵa talpynýda.
Janartaýdan týyndaǵan qater
Ekvador bıligi birneshe kúnnen beri belsendilik tanytyp turǵan Týngýraýa janartaýy ornalasqan óńirde qaýip týýy múmkin ekendigin aıtyp, eskertýler jasaýda.
Onyń syrtynda janartaýǵa jaqyn ornalasqan eldi mekenderden birneshe júzdegen adamdy qaýipsiz jerlerge kóshirý jóninde sheshim qabyldanǵan. Janartaý ótken senbiden bastap aspanǵa kúl men tas laqtyra bastady. Al ol jergilikti bılikti birqatar joldardy jabýǵa májbúrlep otyr. Atalmysh janartaý 1999 jyldan beri belsendilik tanytýda.
Salvadorda prezıdenttik saılaý ótti
Salvadorda prezıdent saılaýy sheńberinde daýys berýler aıaqtalyp, saılaý ýchaskeleri jabyldy. Bul týraly latynamerıkalyq BAQ-tar habarlap otyr.
Prezıdenttikke kandıdattar sany beseý bolǵan, biraq, áleýmettik saýalnamalar boıynsha, olardyń ekeýiniń ǵana jeńiske jetýge múmkindikteri bar. Osylaısha, solshyl sentrıstik partııanyń múddesin qorǵaıtyn eldiń qazirgi vıse-prezıdenti Salvador Sanches Seren favorıt atanyp otyr. Onyń qarsylasy konservatıvti Ulttyq-respýblıkalyq alıans múshesi Norman Kıhano bolyp tabylady. Eger kandıdattardyń birde-bireýi eń tómengi 50 paıyz daýysty ala almasa, olar 9 naýryzda ótetin ekinshi týrda qaıta kezdesetin bolady.
Elshilik janyndaǵy jarylys
Iemenniń astanasy Sanadaǵy Fransııa elshiligine jaqyn jerde birneshe mınomet snarıadtary jaryldy, dep habarlady dúısenbi kúni arabaralyq Al Arabiya telearnasy.
Onyń syrtynda dıplomatııalyq mıssııadan birneshe júz metr jerde jarylǵysh zat salynǵan avtomobıldiń de kúl-talqany shyqqan. Al munyń aldynda Iemenniń astanasynda eki snarıad qorǵanys mınıstrligine jaqyn jerge, taǵy eki snarıad eldiń burynǵy prezıdenti Alı Abdally Salehtiń úıiniń mańaıyna qulaǵan bolatyn. Bul jarylystar sońynyń eki jaq arasyndaǵy atysqa ulasqanyn da aıta ketý qajet.
Hılları Klınton jáne jańa sanksııalar
AQSh-tyń otstavkadaǵy memlekettik hatshysy Hılları Klınton amerıkalyq senator-demokrat Karl Levınmen jazbasha habarlasý kezinde óziniń Iranǵa qatysty jańa sanksııalar engizýge qarsy ekenin málimdegen.
Qazir, Iranmen shynaıy kelissózder júrip jatqan kezde biz olardyń máseleni sheshýdi turaqty negizge qanshalyqty kóshire alatynyn tekserýge tıispiz, dep atap kórsetken ol senatordyń joldaýyna jaýap qaıtara otyryp. H.Klıntonnyń bul sózdi 26 qańtar kúni jazǵanyna qaramastan, ol týraly kópshilikke tek ótken jeksenbi kúni ǵana málim bolyp otyr. Sóz oraıynda senatorlardyń jartysynan kóbiniń Iranǵa qarsy jańa sanksııalar engizýdi qoldaıtynyn da aıta ketý qajet.
Bir jynysty nekege qarsylyq
Myńdaǵan fransýzdar Parıjde jeksenbi kúni ótken bir jynysty nekeni zańdastyrýǵa qarsy ereýilge qatysty. Bul týraly «Fıgaro» gazetiniń veb-saıty habarlaǵan.
Aksııa uıymdastyrýshylardyń oǵan 500 myń adam qatysty degenine qaramastan polıseıler 80 myń adamnyń ǵana qatysqanyn aıtýda. Lıon qalasynda da dál osyndaı is-sharalar ótip, oǵan 20 myńnan 40 myńǵa deıingi adam qatysqan. Aıta ketý kerek, ótken jyldyń sáýirinde Fransııa álemdegi bir jynysty nekeni zańdastyrǵan 14-elge aınalǵan bolatyn.
Eýropadaǵy tabıǵat apaty
Aýa raıy Eýropada óte qolaısyz jaǵdaılar týyndatyp, onyń sońy birneshe adamnyń qaza tabýyna ákelip soqtyrýda.
Aqpannyń alǵashqy kúnderinde Eýropanyń birneshe memleketterinde qolaısyz aýa raıy qalyptasqan. Odan, ásirese, Italııa, Ispanııa, Serbııa, Slovenııa, Avstrııa jáne Shveısarııa memleketteri qatty zardap shegip otyr. Tolassyz jaýǵan jaýyn Italııada sý tasqynyn týǵyzyp, sonyń saldarynan 3 adam qaza tapqan. Ispanııada alyp tolqyndardyń týrıstik ınfraqurylymǵa eleýli zaqym keltirgeni belgili bolyp otyr. Al Serbııa men Slovenııa turǵyndary qalyń jaýǵan qardyń astynda qalýda. Olarǵa áskerıler kómekke kelip, qar astynda qalǵandardy tankter men tikushaqtar kómegimen qutqarýda. Shyǵys Eýropada qarly boran men kúshti daýyl turyp, onyń saldarynan birqatar óńirlerde aldyn ala eskertýler jasaýǵa týra kelgen. Sol sııaqty Shveısarııa men Avstrııada da qar kóshkini bolý qaýpi týyndap otyr.
Internet materıaldary negizinde ázirlendi.