AQSh bıliginiń málimdegenindeı, sońǵy úsh aıda Lıvııanyń hımııalyq qarý-jaraǵy túgeldeı joıylyp bitti. Bul týraly Azattyg.org habarlady.
«New York Times» gazeti jazǵandaı, ıprıt toltyrylǵan júzdegen bomba men snarıadtardy AQSh pen Lıvııa birigip joıǵan. Osy jumystyń oryndalýyna Germanııa men Shvesııa da qoldaý kórsetken kórinedi. 2004 jyly eks-prezıdent Mýammar Kaddafı hımııalyq qarý-jaraqtardy joıý jónindegi konvensııaǵa qol qoıǵannan soń Lıvııadaǵy ýly zattardy joıý jumystary bastalǵan bolatyn. Al 2011 jylǵy qazan aıynda M.Kaddafı bılikten taıdyrylyp, óltirilgennen keıin 2 tonnaǵa jýyq qysha gazy tabylyp, ol shól daladaǵy arnaıy peshte joıyldy. Hımııalyq qarýdy shól dalada joıý tehnologııasy aldaǵy aılarda Sırııanyń 1 myń 300 tonna shamasyndaǵy hımııalyq ýly zattaryn joıý úshin de paıdalanylmaq.
Aıdar О́risbaev.
Derekkóz: Azattyg.org
Foto: Topwar.ru.