Igor Dýjnov sotqa deıingi tergeý jumystaryna baılanysty eki aı tergeý ızolıatorynda bolady, dep jazady Egemen.kz.
Dýjnovtyń advokaty kúdiktiniń qaýipsizdigin qamtamasyz etý úshin tyńdaýdy jabyq rejımde ótkizýdi surady. Alaıda, sot BAQ ókilderin shyǵarý týraly ótinishti qanaǵattandyrmady jáne tyńdaýdy onlaın rejıminde ashyq jalǵastyrý týraly sheshim qabyldady. Informburo-nyń jazýynsha, advokat sýdıaǵa narazylyq bildirgen.
«Qurmetti sot, eger birdeńe bolyp qalsa, jaýapkershilik sizdiń moınyńyzda. Sizdiń sot otyrysyn ashyq rejımde ótkizý týraly sheshimińizge baılanysty, men narazylyq bildiremin», dedi advokat.
Sýdıa advokattan shaǵymdy jazbasha túrde berýdi surady.
Otyrysta sot Dýjnovqa qatysty eki aı merzimge qamaý túrindegi bultartpaý sharasyn tańdady.
Aıta keteıik, 20 qyrkúıekte Almaty qalasynyń Aqbulaq yqsham aýdanynda atys bolyp, bes adam qaza tapqan bolatyn.