Fýtzaldan Lıtvada ótip jatqan álem chempıonatynyń 1/8 fınalynda Qazaqstan quramasy Taılandtyń tas-talqynan shyǵaryp, shırek fınalǵa shyqty.
Kaýnasta ótken matchta Qazaqstannyń fýtzalshylary sary qurlyqtyń eń úzdik komandalarynyń birin bas kótertpeı utty. Báseke bastalǵan bette qarqyndy shabýyl uıymdastyrǵan jerlesterimiz 3-mınýtta esep ashty. Dáýren Tursaǵulovtyń ókshesimen tepken dobyna qaqpashy tosqaýyl qoıa almady. Kózdi ashyp-jumǵansha Dýglas nysanany dál kózdedi. 19-mınýtta Chaıvata Djamgradjanga avtogoldyń avtory atandy.
Úzilisten keıin de Rıkardo Kaka baptaǵan komanda óz qarqynyn báseńdetken joq. Dáýren Nurǵojın men Taınan bas-aıaǵy bir mınýt aralyǵynda qatarynan eki gol soqty. 32-mınýtta Arnold Knaýb jáne 36-mınýtta Igıta mergendik tanytty. Qorytyndy esep – 7:0.