Búgin Nur-Sultanda Bas Prokýror Ǵızat Nurdáýletov Halyqaralyq prokýrorlar qaýymdastyǵynyń prezıdenti Chhol-Kıý Hvanmen kezdesti, dep habarlaıdy Egemen.kz.
Ǵ.Nurdáýletov Qazaqstanǵa sapary úshin Hvan myrzaǵa alǵysyn bildirip, onyń prokýrorlardyń kásibı qoǵamdastyqtarynyń ózara is-qımylyn damytýdaǵy rólin atap ótti.
«Qaýymdastyq álemniń kóptegen elderiniń prokýratýralary men ádilet organdary arasyndaǵy kelissózder úshin tıimdi alań retinde áreket etedi. Bul bizdiń yntymaqtastyǵymyzdy jaqsartady jáne jańa syn-tegeýrinder men qaýip-qaterlerge tıimdi qarsy turý úshin úzdik tájirıbeler men tájirıbe almasýǵa jaǵdaı jasaıdy», dedi Bas Prokýror Ǵızat Nurdáýletov.
О́z kezeginde qonaq uıymdastyrylǵan kezdesý úshin rızashylyǵyn bildirip, odan ári yntymaqtastyqqa daıyn ekendigin bildirdi.
Taraptar qylmystyq kiristerdi jylystatýmen, transulttyq jáne kıberqylmyspen kúres, urlanǵan aktıvterdi qaıtarý máselelerinde quqyqtyq kómek jáne tájirıbe almasý máseleleri boıynsha halyqaralyq ózara is-qımyldy kúsheıtý qajettigin atap ótti.