QR Eńbek jáne halyqty áleýmettik qorǵaý mınıstrligi Eńbek, áleýmettik qorǵaý jáne kóshi-qon komıtetiniń derekteri boıynsha, 2021 jyldyń segiz aıynda óndiristegi jazataıym oqıǵalardyń nátıjesinde 938 qyzmetker zardap shekti, olardyń 114-i qaza tapty, dep habarlaıdy Egemen.kz.
Osylaısha, óndiristik jaraqattaný deńgeıi 2020 jyldyń uqsas kezeńimen salystyrǵanda 2,9%-ǵa ósti (ótken jyldyń 8 aıynda 912 adam zardap shekti). Bul rette óndiristik jaraqattanýdan bolatyn ólim-jitim 12,3%-ǵa tómendedi (2020 jyly óndiriste 130 adam qaza tapty).
О́ndiristik jaraqattanýdyń joǵary deńgeıi burynǵydaı Qaraǵandy (169 adam zardap shekti), Shyǵys Qazaqstan (111 adam), Pavlodar (77 adam), Qostanaı (73 adam), Aqtóbe (72 adam) oblystarynda saqtalýda.
Ekonomıka salalary boıynsha zardap shekkenderdiń eń kóp sany taý-ken metallýrgııa kesheni kásiporyndarynda – 134 adam (19,4%) jáne qurylys salasynda – 80 adam (11,6%) baıqalady.