OKQ alańynda ótken brıfıngte Eńbek jáne halyqty áleýmettik qorǵaý vıse-mınıstri Erlan Áýkenov Senat depýtattary múgedek adamdardyń ómir súrý sapasyn jaqsartý jónindegi zań jobasyna túzetýler ázirlegenin jáne onda «múgedek» termınin qoldanýdy alyp tastaý josparlanyp otyrǵanyn aıtty, dep jazady Egemen.kz.
«Zań jobasynda «múgedek» degen kemsitýshilik termınin alyp tastaý sııaqty normalar qarastyrylǵan. Sondaı-aq múgedek balany tárbıelep otyrǵan otbasyǵa «múgedek balany tárbıelep otyrǵan otbasy» mártebesin berý qarastyrylǵan. Búgin mundaı mártebe joq. Múgedek balalardyń ata-anasynyń bireýine nemese qamqorshysyna sanatorıı-kýrorttyq emdelýge tegin joldama beriledi. Búgingi tańda bul shara zańdy túrde bekitilmegen», dedi vıse-mınıstr.
Budan basqa, múgedek adamdardy jumysqa ornalastyrý jónindegi kvotany oryndamaǵany úshin jumys berýshilerdiń tólemderin mindetti túrde óteý tetigi zańnamalyq túrde engiziledi.