QR Aýyl sharýashylyǵy mınıstrliginiń О́simdik sharýashylyǵy ónimderin óndirý jáne qaıta óńdeý departamentiniń dırektory Azat Sultanov málim etkendeı, búgingi kúni Qazaqstanda nan qunyn arttyratyn alǵysharttar joq, dep habarlaıdy Egemen.kz.
«Búgingi tańda Qazaqstan naryǵynda da, álemdik naryqta da bıdaı baǵasynyń ósýi baıqalady. Birinshi surypty unnan jasalǵan qalyptyq nan áleýmettik nan sanatyna jatady, ıaǵnı baǵany retteý júrgiziletin taýarlar tizbesine engizilgen. О́ńirlerdegi áleýmettik nannyń baǵasy turaqty. Qazir bıdaıǵa nemese unǵa degen suranys joq. Bıdaı men un naryqta jetkilikti mólsherde», dedi Azat Sultanov brıfıngte.
Sonymen qatar ol áleýmettik nan baǵasynyń ósýi jaǵdaıynda úkimet memlekettik retteý sharalaryna júginetinin aıtty.
«Keıinnen, eger bıdaı baǵasynyń ósýi shyn máninde bolsa, bul un baǵasynyń ósýine alyp keledi jáne nan baǵasyna qatysty máseleler týyndaýy múmkin, onda zańda kózdelgen sharalar sheńberinde baǵany retteý, turaqtandyrý tetikteri, onyń ishinde keıinnen nan pisirý kásiporyndaryna berý úshin un tartý kásiporyndaryna «azyq-túlik korporasııasynyń» rezervterinen astyq kóleminiń bir bóligin jóneltý jolymen engiziletin bolady. Nan óndirý úshin shıkizat baǵasy kóterilgen jaǵdaıda Úkimet tarapynan sharalar engiziletin bolady. Áleýmettik nan baǵasynyń kúrt ósýi bolmaıdy», dep sendirdi vedomstvo ókili.