Nur-Sultanda ótip jatqan WTA 250 Astana Open týrnıriniń ekinshi kúni Qazaqstannyń tennısshileri arasynan alǵashqy bolyp kortqa Anna Danılına shyqty, dep habarlaıdy Egemen.kz.
Álemdik reıtıngte 287-orynda turǵan 25 jastaǵy Anna Danılına tym myqty qarsylasqa tap boldy. Fransııalyq Krıstına Mladenovıch kezinde AQSh-tyń ashyq birinshiligi men Rolan Garrostyń shırek fınalynda óner kórsetti. Dáýiri júrip turǵan kezinde WTA tiziminde 10-orynǵa deıin kóterildi. Qazirgi kezde ol 62-satyǵa jaıǵasty. Áıgili sportshyǵa Danılına ájeptáýir qarsylyq kórsetti. Desek te 2 saǵat 53 mınýtke sozylǵan saıys 6:4, 6:7, 6:4 esebimen Mladenovıchtiń paıdasynan sheshildi.