Bilim jáne ǵylym mınıstrligi keshendi testileýdi ótkizý erejesine ózgerister men tolyqtyrýlar engiziletin buıryq jobasyn daıyndady, dep habarlaıdy Egemen.kz.
Atap aıtqanda, JJOKBU-nyń qabyldaý komıssııasy arqyly KT-ǵa qatysý úshin ótinish bergen talapkerlerge qujattardyń qabyldanǵany týraly qolhat (erkin nysanda) beriledi.
KT-ǵa kompıýterlik formatta qatysý úshin ótinishti túsýshiler QR BǴM «Ulttyq testileý ortalyǵy» RMQK (UTO) aqparattyq júıesi arqyly beredi.
Joǵary oqý ornynan keıingi bilimge qoljetimdilikti keńeıtý maqsatynda KT-ǵa qatysýǵa ótinishterdi qabyldaý úshin eki kezeń aıqyndalady: 1 maýsym-15 shilde, 1 qarasha-15 qarasha. KT 20 shildeden 10 tamyzǵa deıin, 18 qarashadan 11 jeltoqsanǵa deıin ótkiziledi.
Atalyp ótkendeı, KT-ny qaǵaz nemese kompıýterlik formatta ótkizý úshin jergilikti jerlerde KT-ny uıymdastyrý jáne ótkizý jónindegi óńirlik memlekettik komıssııalar qurylady, olardy bilim berý salasyndaǵy ýákiletti organ bekitedi.
О́ńirlik Memkomıssııanyń quramyna quqyq qorǵaý organdarynyń, qoǵamdyq uıymdardyń, buqaralyq aqparat quraldarynyń ókilderi kiredi. Komıssııa bes adamnan turady.
Bul rette óńirlik memlekettik komıssııanyń tóraǵasy men músheleri testileý prosesine qatyspaıdy.
Erejelerdiń tolyq mátinin «Ashyq NQA» saıtynan kórýge bolady, onda qujat 12 qazanǵa deıin jarııa talqylaý úshin ornalastyrylǵan.