Katardyń astanasy – Dohada ústel tennısinen erler men áıelder arasyndaǵy Azııa chempıonatynyń shymyldyǵy túrildi, dep habarlaıdy Egemen.kz.
Komandalyq jarysty Qazaqstannyń erleri sátti bastady. Quramynda Kırıll Gerasımenko, Alan Qurmanǵalıev, Aıdos Kenjeǵulov, Irısbek Artýkmetov syndy saıypqyrandary bar jerlestermiz Iraktyń oıynshylaryn 3:0 esebimen oısyrata utty. Endi olar Iordanııa jáne Maldıv araldarymen kezdesedi.
Elimizdiń áıelder quramasy Bangladesh jáne Shrı-Lankamen sheberlik synasady. Bul básekelerde Qazaq eli namysyn Sarvınoz Mırkadırova, Anastasııa Lavrova, Záýresh Aqasheva jáne Ánel Baqyt qorǵaýda.
Esterińizge sala keteıik, toptyq týrnırde tek birinshi oryn alǵan komadalar ǵana kelesi kezeńge ótedi. Ol jaqta Japonııa, Ońtústik Koreıa, Gonkong, Sıngapýr, Úndistan, Iran jáne Taıpeı sekildi myqty komandalar bar.