Tennısten Nur-Sultanda ótip jatqan WTA 250 Astana Open týrnıriniń qazir naǵyz qyzǵan shaǵy. Jarystyń úshinshi kúni ekinshi kezeńdegi oıyndardy tamashaladyq. Jergilikti jankúıerlerdiń nazary elimizdiń tanymal tennısshisi Iýlııa Pýtınsevaǵa aýdy, dep jazady Egemen.kz.
Grýzııalyq Ekaterına Gorgodzeni oısyrata utqan Iýlııa Pýtınseva ekinshi aınalymda belarýssııalyq Vera Lapkomen kezdesedi. Kezinde «TOP-60» oıynshynyń qatarynda bolǵan Mınskiniń týmasy sońǵy kezderi jıi súrinip júr. Búgingi tańda ol 408-satyda. Kópshilik joramaldaǵandaı bul básekede Pýtınseva 6:4, 6:4 esebimen jeńiske jetti. Endi jerlesimiz Anastasııa Gasanovamen kezdesedi.
Jarystyń úshinshi kúni ótken ózge básekelerde mynadaı nátıjeler tirkeldi: Krıstına Mladenovıch (Fransııa) – Anastasııa Potapova (Reseı) 6:1, 4:6, 3:6; Klara Bıýrel (Fransııa) – Jaklın Krıstıan (Rýmynııa) 6:7, 6:1, 6:2; Aleksandra Krýnıch (Serbııa) – Kaıa Iývan (Slovenııa) 6:4, 6:3, Varvara Gracheva (Reseı) – Lesıa Sýrenko (Ýkraına) 6:2, 6:4; Anna-Lena Frıdzam (Germanııa) – Elıson Van Eıtbank (Belgııa) 4:6, 6:3, 4:6 jáne Anastasııa Gasanova (Reseı) – Ana Konıýh (Horvatııa) 2:6, 7:6, 6:2