Eńbek jáne halyqty áleýmettik qorǵaý mınıstrliginń habarlaýynsha, Qazaqstanda 16 myńnan astam sheteldik azamat jumys isteıdi, dep jazady Egemen.kz.
Sheteldik jumys kúshin tartýǵa berilgen ruqsattardyń ishinde birneshe sanat bar. Olar: birinshi sanat – basshylar jáne olardyń orynbasarlary (663), ekinshi sanat – qurylymdyq bólimshelerdiń basshylary (3 279). Úshinshi sanat – mamandar (7 754) jáne tórtinshisi – bilikti jumysshylar (651) sanatyna jatady. Sondaı-aq maýsymdyq jumystarǵa – 1 914 adam, al korporatıvtik aýystyrý sheńberinde – 1 853 adam tartylǵan.
Qazirgi ýaqytta Qazaqstanda 1 790 jumys berýshide sheteldik qyzmetker bar. Olarda shamamen 494 myń Qazaqstan azamaty jumys isteıdi, bul jalpy jumysshylar sanynyń 96%-yn quraıdy.
Qazaqstanǵa kóbinese Qytaıdan (3 837 adam), Túrkııadan (1 965 adam), О́zbekstannan (1 949 adam), Úndistannan (1 024 adam), Ulybrıtanııadan (949 adam) eńbek mıgranttary keledi.
Esterińizge sala keteıik, ishki eńbek naryǵyn qorǵaý maqsatynda QR Eńbek jáne halyqty áleýmettik qorǵaý mınıstrligi jyl saıyn elimizge sheteldik mamandardy tartýǵa arnalǵan kvota belgileıdi. 2021 jyly kvota mólsheri jumys kúshine shaqqanda 0,31%-dy nemese 29,3 myń birlikti qurady.