Memleket basshysy Qasym-Jomart Toqaev Qazaqstan men Reseıdiń XVII О́ńiraralyq yntymaqtastyq forýmynda eki el shekarasyndaǵy problemalardy atady, dep jazady Egemen.kz.
«Eki el shekarasynan ótetin júk tasymaldaýshylardyń problemasyna toqtalǵym keledi. Bul - biz úshin mańyzdy másele. Qazaqstan-Reseı shekarasynda 30 avtomobıldik shekaralyq ótkizý pýnkti jumys isteıdi, olardyń beseýi ǵana ınspeksııalyq jol beketi keshenderimen jabdyqtalǵan. О́kinishke qaraı, olardyń jumysynan mezgil-mezgil aqaý shyǵady. Biz Saratov oblysy, Orynbor, Chelıabi, Qorǵan, Tıýmen shekarasyndaǵy ótkizý pýnktteri týraly aıtyp otyrmyz», dedi Memleket basshysy.
QR Prezıdenti Reseıdiń shekara qyzmetindegi jańa talaptar týraly aıtty.
«Júrgizýshiler júkti tikeleı tekserý aımaǵynda túsirýge mindetteldi. Al bul kóp jaǵdaıda júktiń buzylýyna ákeledi. Tasymaldaýshylar avtokóliginiń tek úshten ekisin ǵana qoldanýǵa májbúr. Mysaly, gazelderde 8 tonna ornyna 4-6 tonna ǵana taýar tıeledi. Endi 30-40 tonna júk ornyna 15-20 tonna taýar tasymaldanady. Nátıjesinde, kólik shyǵyny ulǵaıady, taýar baǵasy ósedi», dedi Toqaev.
Memleket basshysy qaýipsizdik sharalaryna tolyq túsinistikpen qaraıtynyn jetizdi.
«Memlekettik shekaranyń qaýipsizdigin qamtamasyz etý – kez kelgen memlekettiń eń mańyzdy sharty. Ásirese, Aýǵanstandaǵy oqıǵalar kezinde. Siz, Vladımır Vladımırovıch, UQShU-ǵa múshe memleketter otyrystarynyń birinde bul týraly aıttyńyz. Sonymen qatar ótkizý pýnktterin qazirgi zamanǵy ınspeksııalyq-tekserý keshenderimen tolyq jabdyqtaý kommersııalyq tranzıt qaýipsizdiginiń, jyldamdyǵynyń problemalaryn da sheshe alar edi», dedi Memleket basshysy.