Búgin fýtboldan UEFA Konferensııa lıgasy toptyq kezeńiniń ekinshi týrynda qazaqstandyq «Qaırat» Shveısarııanyń «Bazel» komandasymen kezdesedi, dep habarlaıdy Egemen.kz.
Kezdesý elorda ýaqytymen 00:50-de bastalyp, «Qazaqstan» telearnasynan tikeleı efırde kórsetiledi. Atalǵan kezdesýde anglııalyq Stıýart Atvell bas tóreshi qyzmetin atqarady.
Oǵan otandastary Denıel Kýk pen Garrı Lennard kómekshilik jasaıdy. Qosalqy tóreshi de - sol eldiń ókili Devıd Kýt. Eske salsaq, «Qaırat» H tobynda synǵa túsedi.
Qarsylastary - Shveısarııanyń «Bazel», Ázerbaıjannyń «Karabah» jáne Kıprdiń «Omonııa» komandalary. Alǵashqy týrda «Qaırat» óz alańynda Kıprdiń «Omonııa» klýbymen 0:0 esebimen teń tússe, «Bazel» syrt alańda Ázerbaıjannyń «Karabah» klýbymen kezdesýinde dál sondaı esep tirkeldi.
«Qaırat» bıyl eýrokýbok oıyndaryn Chempıondar lıgasynyń birinshi irikteý satysynan bastady. Aldymen Izraıldiń «Makkabı Haıfa» (1:1, 2:0) jeńip, odan keıin Serbııanyń «Srvena Zvezda» komandasyna (2:1, 0:5) jol berdi. Al Eýropa lıgasy úshinshi irikteý satysynda Armenııanyń «Alashkertinen» (0:0, 2:3) jeńilip, Konferensııa lıgasy pleı-off satysynda Lıýksembýrgtiń «Fola» klýbynyń (4:1, 3:1) osal tusyn tapty. «Bazel» klýby 1893 jyly qurylǵan. О́ziniń elinde 20 márte chempıon atanǵan. Eýrokýbok oıyndaryna turaqty túrde qatysyp keledi.